(KosovaPress) - 30 maji i çdo viti shënon Ditën Botërore të Sklerozës së Shumëfishtë.
Në vitin 2009 Federata Ndërkombëtare e Sklerozës së Shumëfishtë e ka filluar shënimin e kësaj date. Falë kampanjave dhe aktiviteteve për nder të kësaj dite janë vetëdijesuar mijëra njerëz anë e mbanë botës.
Më shumë se 2.3 milionë njerëz në mbarë botën jetojnë me këtë sëmundje.
Skleroza e shumëfishtë është sëmundje e sistemit nervor, e cila paraqitet me ankesa dhe dhimbje të ndryshme, të cilat vijnë kohë pas kohe. Ankesat tipike të kësaj sëmundje janë: ligështimi (dobësimi) në duar apo këmbë, ndjenja e të qenit të pirë (shtangur), dridhjet, artikulimi i paqartë dhe pengesa në shikim.
Në Shtetet e Bashkuara të Amerikës, shiriti ngjyrë portokalli shfaq mbështetjen për njerëzit që vuajnë nga kjo sëmundje.
Edhe
Skleroza multiple mund të nisë dëmtimin e trurit shtatë vjet para shfaqjes së simptomave
Në Kosovë në Klinikën e Neurologjisë të Qendrës Klinike Universitare (QKUK) do të shënohet dita ndërkombëtare e sëmundjes së Sklerozës së Shumëfishtë.
