Dieta mesdhetare është cilësuar si më e mira në botë për të shtatin vit me radhë bazuar në kriteret e vlerësimit nga revista amerikane “News & World Report”.
Ky regjim ushqimor bazohet në tre faktorë që është shija më e mirë, më e shëndetshme, por edhe më e vlefshmja për planetin.
Sipas revistës studimet e mëparshme tregojnë se dieta mesdhetare mund të ndihmojë në ngadalësimin e rënies njohëse të lidhur me moshën, të ndihmojë në rritjen e mundësive për fertilizimin e suksesshëm in vitro (IVF) dhe të përmirësojë mikrobiomën e zorrëve.
Po ashtu, sipas kardiologëve, dieta mesdhetare ka marrë më shumë vëmendje gjatë 10 vjetëve të fundit teksa njerëzit e Rajonit të Mesdheut kanë më pak probleme kronike shëndetësore dhe janë më jetëgjatë.
Ndjekja e dietës mesdhetare ka qenë gjithashtu e lidhur me uljen e rrezikut të një personi për sëmundje të caktuara, duke përfshirë: sëmundje kardiovaskulare, diabet të tipit 2, depresionit, alzheimerit dhe kancerit të prostatës.
Dieta mesdhetare bazohet në ushqimet me bazë vegjetale, drithëra, fruta të thata, bazë yndyrore, vaji i ullirit, mish pule, peshk e mish të kuq dhe parasheh shmangie të yndyrave të ngopura dhe sheqerit.
-
Ndikimi i dietës mesdhetare në sëmundjet e harresës
-
Tri dietat më të mira për të humbur peshë
-
4 këshilla për ushqim për ta mbrojtur zemrën dhe shëndetin afatgjatë
-
Dieta mesdhetare mund të ulë rrezikun e sulmit në tru deri në 25 për qind
-
A kanë më shumë gjasa ata që hanë mish të jetojnë deri në 100 vjet?