Numri i njerëzve që zhvillojnë alergji të rrallë të mishit, si pasojë e pickimeve të rriqrave, po rritet dhe mund të ketë ndikuar tashmë deri në 450,000 njerëz në Shtetet e Bashkuara të Amerikës. Të dhënat e reja të publikuara nga Qendrat për Kontrollin dhe Parandalimin e Sëmundjeve në SHBA (CDC) kanë treguar rritje të madhe të numrit të rasteve të sindromës “alpha-gal”.
Alergjia shkakton reagim me mundësi kërcënimi për jetën ndaj disa llojeve të mishit ose produkteve shtazore. Shkencëtarët e SHBA-së kanë gjurmuar “alpha-gal” në pështymën e rriqrave. Këto rriqra identifikohen nga pika e bardhë në shpinë dhe gjenden kryesisht në pjesët jugore dhe lindore të SHBA-së. Por ekspertët paralajmërojnë se gama e tyre po zgjerohet për shkak të ndryshimeve klimatike, shkruan BBC.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKafshimet gjakpirëse nga “ylli i vetmuar”, i quajtur zyrtarisht “Amblyomma americanum”, mund ta sëmurin personin kur konsumon disa mishra dhe produkte shtazore nga gjitarët.
Lista e ushqimeve të rrezikshme për njerëzit që vuajnë nga sindroma “alpha-gal” përfshijnë mishin e derrit, mishin e viçit, lepurin, qengjin, xhelatinën, qumështin, disa produkte qumështore dhe disa farmaceutikë. Simptomat nga kjo sindromë përfshijnë dhimbjet e stomakut, diarrenë, ethet dhe mungesën e frymëmarrjes që mund të shkaktojë anafilaksinë fatale. Për shkak se trupi tret mishin ngadalë, mund të jetë shumë e vështirë të pikasen simptomat.
Më shumë se 110,000 raste janë zbuluar që nga viti 2010, ka bërë të ditur CDC-ja. Nga viti 2017 deri në vitin 2021 numri i rasteve u rrit me rreth 15,000 në vit.
Për shkak se sa e vështirë mund të jetë për t’u diagnostikuar, CDC-ja ka thënë se deri në 450,000 amerikanë në total mund të kenë zhvilluar alergji nga mishi për shkak të “alpha-galit”.
Një sondazh i 1,500 mjekëve dhe punonjësve shëndetësorë nga viti i kaluar zbuloi se 42% e tyre nuk kishin dëgjuar kurrë për këtë sindromë. Në sondazhin, i cili u publikua gjithashtu nga CDC të enjten, rreth një e treta e grupit ka thënë se nuk ishin “shumë të sigurt” në aftësinë e tyre për të identifikuar sëmundjen. Vetëm 5% kanë deklaruar se kishin “shumë besim” në aftësinë e tyre.
Sindroma nuk u zbulua deri në vitin 2008 kur rastësisht studiuesit amerikanë gjetën rezultate të papritura teksa testonin një ilaç që përdorej për trajtimin e kancerit.
“Ixodes holocyclus” e njohur si paralizë nga rriqrat, ka shkaktuar alergji të ngjashme të mishit edhe në rajonin e Sydneyt në Australi.
Ekspertët kanë paralajmëruar njerëzit që të mbulohen jashtë dhe të kontrollojnë rregullisht trupin nga pickimi i rriqrave. Pickimet mund të shkaktojnë disa sëmundje të rrezikshme, të tilla si sëmundja “Lyme” dhe janë më të zakonshme gjatë muajve më të nxehtë. CDC-ja këshillon njerëzit që kur janë jashtë të përdorin ilaç kundër insekteve, si ato që përmbajnë dietiltoluamid, ose të para-spërkatin veshjet e tyre me një kimikat të quajtur permethrin.
Përgatiti: Vita Abrashi-Kajtazi