Shoqata Amerikane e Zemrës: Proteinat bimore më të mira se ato shtazore

Shoqata Amerikane e Zemrës, (American Heart Association (AHA)) u ka bërë thirrje njerëzve të ndryshojnë mënyrën e ushqyerjes, duke favorizuar proteinat me bazë bimore dhe duke kufizuar produktet me yndyrë të lartë, ka shkruar Reuters.

Në udhëzimet e reja ushqimore, të publikuara së fundmi, përfaqësuesit e AHA-s kanë theksuar rëndësinë e një diete të pasur me perime, fruta dhe drithëra të plota, duke rekomanduar që burimi kryesor i proteinave të jetë nga bimët dhe jo nga mishi.

Organizata sugjeron gjithashtu:

-të kufizohet sheqeri, kripa dhe ushqimet shumë të përpunuara

-të zëvendësohen produktet e bulmetit me yndyrë të plotë me ato pa yndyrë ose me pak yndyrë

Edhe Lifestyle 2 j. më parë Tri ushqime që konsiderohen “të pashëndetshme”, por që ndihmojnë shëndetin e zemrës

-të zgjidhen yndyra të shëndetshme (të pangopura)

Në vend të mishit të kuq, AHA rekomandon proteina si bishtajoret, arrat dhe farat. Nëse konsumohet mish i kuq, këshillohet të zgjidhen pjesë më të dobëta, të shmangen produktet e përpunuara dhe të kontrollohen porcionet.

Këto rekomandime dallojnë nga disa qëndrime të fundit të administratës së presidentit të SHBA-së Donald Trump, e cila ka inkurajuar konsum më të lartë të proteinave si nga burime shtazore ashtu edhe bimore, si dhe përdorimin e produkteve të bulmetit me yndyrë të plotë.

Po ashtu, nismat e administratës, të mbështetura nga sekretari i Shëndetësisë Robert F. Kennedy Jr., janë fokusuar në reduktimin e ngjyruesve sintetikë, përbërësve kimikë dhe ushqimeve ultra të përpunuara, si dhe në uljen e konsumit të sheqerit.

Përfaqësuesit e AHA-s kanë thekson edhe disa këshilla të tjera praktike:

Edhe Lifestyle 1 muaj më parë Hot-dog apo hamburger? Dietologët tregojnë cili është më i mirë për zemrën

-përgatitni ushqimet me pak ose aspak kripë

-kufizoni konsumimin e alkoolit

-shmangni pijet dhe ushqimet me sheqer të shtuar

Një tjetër rekomandim i rëndësishëm është që fëmijët mund dhe duhet të fillojnë një dietë të shëndetshme për zemrën që nga mosha 1-vjeçare.

Sipas Administratës për Ushqim dhe Barna (FDA), këto udhëzime janë në përgjithësi në përputhje me rekomandimet federale për ushqyerjen, dhe institucionet pritet të bashkëpunojnë në promovimin e shëndetit kardiovaskular.

Edhe Lifestyle 1 muaj më parë Zëvendësuesit e mishit për proteina

AHA, organizata më e vjetër dhe më e madhe vullnetare në SHBA që lufton sëmundjet e zemrës dhe sulmin në tru, publikon udhëzime të tilla çdo pesë vjet, me qëllim përmirësimin e shëndetit të popullatës.