Lifestyle

Pesë mënyrat për ta shmangur rritjen e sheqerit në gjak

Ndërsa jeta jonë bëhet më e ngarkuar, mund të jetë e lehtë të harrojmë të hamë ose të zgjedhim të injorojmë shenjat e dukshme të urisë.

Duke i injoruar këto shenja, mund të shkaktohet një reagim i cili ju bën të ndiheni nervoz dhe mjaft të lodhur, raporton “The Sun”.

Një studim i fundit i publikuar në “Proceedings of National Acamedy of Sciences” ka zbuluar se ka një lidhje të madhe mes urisë, ndjenjës së zemërimit dhe niveleve të ulëta të sheqerit në gjak.

Me këtë në mendje, ne hedhim një vështrim se sa është e rëndësishme që t’i menaxhoni nivelet e sheqerit në gjak.

Fondacioni Britanik i Zemrës thotë se hormoni i insulinë lejon që sheqeri në qarkullimin e gjakut të hyjë në qelizatat tuaja, ku mund të përdoret për energji.

“Nëse nuk keni mjaftueshëm insulinë, atëherë sheqeri qëndron në qarkullimin e gjakut. Me kalimin e kohës, nivelet e larta të sheqerit në gjak dëmtojnë enët e gjakut”, thuhet në udhëzim.

Kjo mund të çojë në lëkundje të zemrës, veshkave dhe të diabetit.

Dietologia Jess Hillard ka zbuluar për “The Sun” se si mund të shmanget rritja dhe ulja e sheqerit në gjak.

Mos i anashkaloni vaktet

Për të menaxhuar në mënyrë efikase nivelet e sheqerit në gjak, është jashtëzakonisht e rëndësishme që t’i hani tri vakte në ditë që përmbajnë të gjitha lëndët ushqyese për të cilat ka nevojë trupi i juaj, thotë dietologia Hillard.

“Duke mos ngrënë vaktet kryesore, trupi i juaj do ta ketë të vështirë të stabilizojë nivelet e sheqerit në gjak dhe do t’ju lërë të ndiheni të uritur. Për ta shmangur këtë dhe për të siguruar që nivelet tuaja të energjisë të jenë të qëndrueshme gjatë gjithë ditës, është thelbësore të hani në oraret kryesore të vakteve”, ka thënë Hillard.

Mbani me vete ushqime me sasi të larta të karbohidrateve 

Nëse e dini se jeni të prirë ndaj niveleve të ulëta të sheqerit në gjak ose e kuptoni se keni lëkundje gjatë ditës, atëherë është me rëndësi të keni “snacks” me vete gjatë gjithë kohës, thotë dietologia Jess Hillard.

“Këto duhet të kenë sasi të lartë të karbohidrateve për t’ju dhënë lëndët ushqyese që ju nevojiten për t’i menaxhuar në mënyrë efikase nivelet e sheqerit në gjak. Të kesh ushqime të shëndetshme me vete në çdo kohë është çelësi për të parandaluar që të arrish në pikën e ‘urisë’ dhe të ndiheni të trullosur”, ka thënë dietologia.

Ushtroni me kujdes

Ushqimi i rregullt është thelbësor për një rutinë të shëndetshme. Mirëpo, është e rëndësishme të jeni të vetëdijshëm për ndikimin që ushtrimet mund të kenë në trupin tuaj, pasi rrit ndjeshmërinë ndaj insulinës, tha dietologia Hillard.

“Ndërsa kjo nuk është domosdoshmërish e keqe, pasi do të thotë se qelizat tuaja mund të përdorin në mënyrë efikase sheqerin e disponueshëm në qarkullimin tuaj të gjakut, kjo nënkupton edhe se duhet të siguroheni që jeni duke e mbushur trupin tuaj me ushqime para dhe pas stërvitjes. Për të shmangur përjetimin e periudhave të marramendjes gjatë stërvitjes, duhet të siguroheni që të keni një ‘snack’ me karbohidrate apo një vakt pas përfundimit të stërvitjes”, thotë ekspertja.

Flini rregullisht

Një gumë i dobët mund të ketë ndikim në nivelet e sheqerit në gjak, dhe madje edhe një natë me gjumë jo të mirë mund të rrisë rezistencën ndaj insulinës, gjë që mund të ndikojë në sheqerin në gjak, ka thënë dietologia Jess Hillard.

Ajo thotë se mungesa e gjumit gjithashtu shihet se ka lidhje me diabetin e çrregullime të tjera të sheqerit në gjak. Ajo këshillon që të çlodheni të paktën një orë para se të flini, pa kaluar kohë në ekran.

Qëndroni të hidratuar

Dietologia Hillard thotë se njerëzit nuk duhet anashkaluar rëndësinë e pirjes së ujit kur bëhet fjalë për menaxhimin e sheqerit në gjak.

Ajo thotë se hidratimi i mjaftueshëm jo vetëm që mund të mbështesë, por edhe të ulë sheqerin në gjak.

“Kjo për shkak se uji jo vetëm që parandalon dehidratimin, që mund të rrisë nivelet e sheqerit në gjak, por gjithashtu ju ndihmon në largimin e sheqerit të tepërt përmes urinimit. Rekomandohet që të pini të paktën tetë gota ujë në ditë”, thotë Hillard.