Moderna është duke aplikuar në SHBA dhe Evropë për aprovim emergjent të vaksinës së saj për koronavirus, në mënyrë që të mund të rekomandohet për përdorim më të gjerë, shkruan BBC.
Rregullatorët do të shikojnë të dhënat e testimeve të vaksinës mRNA dhe do të vendosin nëse është e sigurt dhe efikase për të rekomanduar atë për përdorim.
Studimet klinike tregojnë se vaksina është më tepër se 94 për qind e sigurt në mbrojtje të njerëzve nga të sëmurit nga COVID-19.
Pfizer, që ka vaksinë të ngjashme, ka aplikuar tashmë për aprovim në SHBA.
Rregullatorët në Britani të Madhe po ashtu po shikojnë të dhënat e vaksinës së Pfizerit, si dhe një lloj tjetër të vaksinës të prodhuar nga AstraZeneca dhe Universiteti i Oxfordit për aprovim emergjent.
Moderna thotë se shpreson ta marrë aprovimin në Britani së shpejti, tash që ka të dhënat nga testimi i vaksinës te 30 mijë vullnetarë – përfshirë edhe persona të grupeve më të rrezikuara, siç janë të moshuarit.
Në këto studime, 15 mijë persona kanë marrë vaksinë e vërtetë dhe pjesës tjetër i është dhënë placebo. Nuk është raportuar për ndonjë efekt anësor serioz.
Rreth 185 persona në grupin që kanë marrë placebo janë sëmurë me Covid-19, përfshirë disa mjaft rëndë.
Në krahasim, kishte 11 raste në grupin që kanë marrë vaksinë dhe asnjëri nuk ishte sëmurë rëndë.
