Lifestyle

Hidratimi tek meshkujt është shumë i nevojshëm

Hidratimi është një nga elementët thelbësore të një jete të shëndetshme. Çdo ditë trupi ynë humbet 2 deri 3 litra ujë nga djersitja apo lëvizjet, madje edhe teksa marrim frymë. Këto funksione janë thelbësore për mbijetesën tonë ndaj duhet të kompensojmë humbjen e lëngjeve. Ruajtja e balancës është e rëndësishme për t’u mos dehidratuar apo për të evituar overdozën e ujit në trup. Dehidratimi shkakton humbje energjie rënie të humorit, tharje të lëkurës dhe tension të lartë.

Një truri të pahidratuar i duhet më shumë sforco për të funksionuar. Mungesa e ujit shkakton shumë probleme, si në organizmin e një gruaje ashtu edhe të një burri. Sasia e rekomanduar e ujit është të paktën 8 gota ujë në ditë.

Tek burrat, sidomos ata në moshën e tretë, hidratimi është më i nevojshëm se kurrë. Studimet kanadeze konfirmojnë se rreziqet e dehidratimit përshkallëzohen në mënyrë paradoksale me kalimin e moshës. Sipas shkencëtarëve,me kalimin e moshës, të moshuarit kanë më pak etje sepse aftësia e tyre për të zbuluar dhe reaguar ndaj nivelit të kripës në gjak është e pakët. Kur ekuilibri mes ujit dhe kripës në gjak anon nga kjo e fundit, trupi i një të riu reagon nëpërmjet etjes. Në rastin e një burri në moshë, trupi i tij nuk reagon njësoj ndaj dehidratimit dhe nuk jep sinjale të dukshme. Për shembull,në rastin e burrave që merren me aktivitet fizik, dehidratimi nuk rrit temperaturën e brendshme të trupit sicc ndodh me të rinjtë dhe rrjedhimisht nuk djersin. Kjo mund të tingëllojë bukur por ama mungesa e djersës dhe etjes nënkuptojnë mungesën e zërit të brendshëm që na thotë është koha për të pirë ujë. Kur burrat e moshës së tretë nuk e kuptojnë që kanë nevojë për ujë sepse nuk kanë etje, dehidratimi mund të arrijë në nivele të rrezikshme.

Si të shmangni dehidratimin në organizëm

Nëse babai, bashkëshorti apo i afërmi juaj nuk kujtohet të pijë ujë me argumentin se nuk ka etje, AgroWeb.org ju tregon disa metoda të thjeshta se si ta ndihmoni të hidratohet: zëvendësoni çdo pije që konsumoni gjatë ditës me ujin. Sigurohuni që ai të pijë të paktën një gotë ujë në mes të çdo vakti. Mund të kujdeseni që ai të mbajë një shishe ujë me vete gjatë gjithë ditës. Kjo do ta ndihmojë të qëndrojë më i hidratuar.