Zhvillohet një mini-robot që mund të udhëtojë në trupin e njeriut për të transportuar ilaçe direkt në indet e sëmura, dhe që është ndërtuar në mënyrë të tillë që i përshtatet formës dhe lëvizjeve të baktereve.

Ky mini-robot u zhvillua nga Selman Sakar si dhe nga shkencëtarët e Universitetit Ecole Polytechnique Federale de Lausanne (EPFL) dhe Bradley Nelson nga ETH të Cyrihut.

Sipas raportimeve online në Reuters Health, roboti është disa milimetra i gjatë, dhe ndryshon formë e cila përshtatet në rrugën e tij (p.sh. enët e gjakut) dhe përbëhet nga nanokomposite të hidrogelit, të cilat mund të komandohen drejt destinacionit të synuar me anë të tërheqjes magnetike.

Pajisje të tilla mund të përdoren në të ardhmen për lëshimin e barnave në zemër të indeve të sëmura, për shembull në një sëmundje tumori./atsh