Xhaketa e veshur nga astronauti amerikan Buzz Aldrin gjatë udhëtimit të tij në Hënë u shit në ankand për 2.8 milionë dollarë, shkruan BBC të mërkurën.
Xhaketa e bardhë e Aldrinit ka në të edhe flamurin amerikan dhe logon e agjencisë amerikane të hapësirës NASA dhe e ka veshur gjatë misionit Apollo 11 teksa fluturonte në modulin komandues Columbia.
Kjo është një nga 60 sendet personale që 92-vjeçari Aldrin vendosi t’i shiste dhe u shit përmes shtëpisë së ankandeve Sotheby. Xhaketa është bërë objekti më i vlefshëm hapësinor amerikan në histori.
Ish-astronauti udhëtoi në Hënë në vitin 1969 dhe është i vetmi anëtar i gjallë i ekuipazhit prej tre personash. Aldrini e kaloi pjesën më të madhe të udhëtimit të tij gjashtë-ditor në hapësirë i veshur me xhaketën e lartpërmendur dhe ndryshoi vetëm kur iu desh të vishte një kostum të veçantë për të shkuar në sipërfaqen hënore. Rreth 650 milionë njerëz në mbarë botën e panë atë moment.
Xhaketa është bërë nga një material rezistent ndaj zjarrit. Është e vetmja veshje nga misioni që është shitur ndonjëherë. Pronari i ri është një blerës që ofroi 2.8 milionë dollarë përmes telefonit.
Vlera totale e artikujve të shitur nga koleksioni personal i Aldrinit është 8.2 milionë dollarë.
-
NASA nis misionin e parë me ekuipazh në Hënë në gjysmë shekulli
-
Kim Kardashian e bindur se njeriu s'ka shkelur asnjëherë në Hënë
-
Fanella e famshme e finales së Botërorit shitet për 4.9 milionë dollarë
-
Tregimi i pabesueshëm i fanellës milionëshe
-
FIFA ka gati 1200 bileta në shitje për finale, çmimi 7380 dollarë