Një krijesë misterioze deti që kishte dalë në breg të detit në një plazh në Teksas pas urganit Harvey u identifikua, njofton BBC, përcjell Syri.net.
Prrety Desai e gjeti krijesën në plazhin e Texas City dhe bëri thirrje për ndihmë në Twitter. Ajo publikoi disa fotografi me shënimin “Hajde, biologë të Twitter! Ç'dreqin mund të jetë kjo?”
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKërkesa e saj iu kalua biologut dhe specialistit të gjelbërimit, Dr. Kenneth Tighe, i cili besonte se krijesa ishte një gjarpër-ngjalë me çataj, një gjarpër-ngjalë me dhëmbë helmues ose një gjarpër-ngjalë i madh deti.
Mendohet se uragani Harvey që solli shtrëngata dhe përmbytje në Texas ishte shpjegimi pse kjo krijesë ishte aty.
Garpri-ngjalë me çataj helmues gjithashtu njihet edhe si një gjarpër “çatall” dhe zakonisht gjendet në ujëra në thellësitë 30-90 m në oqeanin Atlantik Perëndimor.
Zonja Desai, e cila ishte në plazh për të vlerësuar dëmet nga stuhia, tha për BBC: “Ishte diçka krejt e papritur, nuk ishte diçka që e sheh rëndom në plazh. Unë mendova se mund të ishte diçka nga thellësitë e detit që ishte nxjerrë në breg.”
Zonja Desai tha se ajo i publikoi pamjet në Twitter sepse ajo njihte mjaft shkencëtarë dhe një shok me shpejtësi iu përgjigj dhe kontaktoi me Dr. Tighe. Në fund, zonja tha se u largua nga gjarpri në plazh “për ta lënë natyrën të bënte të vetën.”