Receta e shpargut shfaqet në legjislacionin belg

Shpargu mund të jetë i famshëm në Belgjikë, por ligjvënësit lokalë u befasuan kur gjetën një recetë për të në mesin e ligjeve dhe dekreteve mbretërore të javës së shkuar.

Teksti aksidentalisht ishte kopjuar dhe bartur në legjislacionin për çmimin e ilaçeve dhe pajisjeve mjekësore.

“Bon Appetit!” shkruhej në fjalinë e fundit, para se të vazhdohej me çështjet serioze ligjore.

Më pas teksti është fshirë nga databaza.

Gabimi u gjet pas një përditësimi që iu bë versionit francez të tekstit në gazetën zyrtare belge, ku publikohen ligjet, dekretet dhe dokumentet tjera zyrtare.

Në mesin e neneve për çmimet e ilaçeve ishte edhe receta për pjatën me perime.