Për shumë njerëz, kafeja është pjesë e përditshmërisë. Pinë në mëngjes apo edhe pasdite. Espressoja është pija që konsumohet gjithandej botës. Për dikë, madje kjo kafe është e pazëvendësueshme. “Travelbook” ka krijuar një “indeks të espressos” duke treguar sa kushton një e tillë nëpër qytetet e Evropës. E Prishtina, si kryeqytet i Kosovës, është ndër më të lirat.
Në listën prej 42 qytetesh evropiane, Prishtina renditet në vendin e tretë nga fundi. Lista thotë se espressoja në Prishtinë kushton 90 centë.
Në fund të listës, sipas “Travelbook”, janë Shkupi e Tirana.
Në kryeqytetet evropiane, çmimi i espressos është dukshëm më i lartë se në rajon. Megjithatë, atje edhe të ardhurat janë disafish më të larta. Sipas listës, Kopenhaga e Danimarkës prin si vendi me espresson më të shtrenjtë në Evropë – 4 euro. Pasojnë Berna e Zvicrës dhe Helsinki i Finlandës me 3.96, respektivisht 3.59 euro. Top-pesëshen e mbyllin Reykjaviku i Islandës dhe Parisi i Francës.
-
Baristi që renditi Kosovën të tretën mes 12 shtetesh për kafenë më të mirë
-
Prishtina me kafe deri në 2 euro, në qytete tjera edhe me 50 centë
-
Prishtina më e lira në Ballkan dhe ndër më të lirat në Evropë
-
Prishtina mbledh meraklinjtë në festivalin e kafesë dhe çajit
-
Prishtina Ticket sjell bileta të lira për destinacionet më të njohura!