Një hajdut misterioz që vodhi dy pako çokollata në një dyqan në vitin 1975 – ka kërkuar falje me një letër dhe pesë funte.
Kërkim falja e shkruar me dorë i është dërguar Belle Vale Shopping Centre në Liverpool dhe sqaron vjedhjen e ndodhur 43 vjet më parë.
“Vodha dy çokollata nga Woolworths në dyqanin tuaj më 1975, kur unë isha djalë i vogël”, thuhet në letër.
“Kërkoj falje, nuk po di çka të ofroj më shumë, ja ku i keni paratë që ua kam pasur borxh prej atëherë”, thuhej në letrën të cilës i janë bashkuar edhe pesë funte, transmeton Koha.net shkrimin e The Mirror.
Woolworths nuk është më në funksion dhe qendra tregtare këto pesë funte do t’i dhurojë për bamirësi.
Edhe
12-vjeçari vodhi një çokollatë, i kërkon falje me një letër pronarit të dyqanit
“Në kohë ndasie, është mirë të shohësh këso lloj mirësie që rikthen besimin te njerëzimi”, ka thënë një përfaqësues i dyqanit.
“Belle Vale Shopping Centre dëshiron të falënderojë dërguesin dhe ia pranon kërkim faljen. Është mesazh pozitiv që ia vlen të ndahet me të gjithë”, ka thënë ai.
