Një gërmim rutinë dha një zbulim befasues kur ekipet zbuluan një tunel misterioz mesjetar në Uells.
Nuk u shfaq në asnjë hartë të Ordnance Survey, por kur teknikët në Luginën Wye u thirrën për të hequr një shtyllë elektrike, ata zbuluan diçka të papritur.
Shpellat nuk janë të pazakonta në Luginën Wye. Por kur ata u shikuan pak më afër, ekipi i teknikëve kuptuan se nuk ishte aspak një shpellë. Ata kishin zbuluar një tunel prej guri, shkruan BBC.
"Kur arritëm atje dhe kishim parë që një pjesë ishte shpërthyer, mund të shihnit menjëherë se ishte diçka e krijuar nga njeriu", tha tekniku Allyn Gore që punon për “Western Power Distribution”.
Tuneli ndjek një shteg publik përgjatë lumit Anghidi drejt zonës Tintern Abbey, abacia e shekullit të 12-të e ndërtuar nga murgjit, rrënojat e të cilëve vizitohen nga mijëra çdo vit.
Edhe
Mendohet se Stonehenge fillimisht ishte në Uells
"Ishte pothuajse sikur në shtegun publik njerëzit kishin ecur mbi të për aq kohë sa ai shteg kishte qenë atje dhe askush nuk e dinte se çfarë po ecnin mbi të", tha një zyrtar nga “Western Power Distribution”.
Pamjet tregojnë një hapësirë rreth 4 metra në lartësi - tuneli i harkuar i gurit duket të jetë mjaft i madh sa të ketë lejuar njerëzit të lëvizin pa u vënë re nëpër fshat. Do të duhen më shumë hetime për të përcaktuar me saktësi strukturën historike të fshehur dhe për të përcaktuar se për çfarë mund të ishte përdorur ky kalim misterioz nëntokësor.
