Një mace është bashkuar me pronaren e tij në Utah pasi ka udhëtuar mbi 804 kilometra në Kaliforni në një kuti të Amazonit.
Carrie Clark ka thënë se macja e tij 6-vjeçare, Galena, u zhduk nga shtëpia e saj në Lehi më 10 prill dhe nuk u paraqit anipse miqtë dhe fqinjët dolën ta kërkonin.
Clark tha se ajo ishte e tronditur kur u kontaktua më 17 prill nga një veterinere mbi 804 kilometra larg vendit ku jetonin. Veterinerja kishte skanuar macen për një mikroçip dhe kishte marrë informacionin e kontaktit të Clarkut.
“Nuk mund ta besoja se ishte e vërtetë”, tha Clark për New York Times. “Unë i thashë asaj: Unë mendoj se kjo është shaka”.
Ajo tha se udhëtimi i Galenës filloi të bëhej më i besueshëm pasi nisi t’i bashkonte “copëzat”.
Edhe
Një mace fluturon disa herë brenda ditës pasi harrohet në aeroplan
Bashkëshorti i Clark, Matt, kishte dërguar një pako me postë e cila përmbante pesë palë çizme.
Clark tha se macja duhet të ketë kërcyer brenda kutisë kur Matt doli nga dhoma për të marrë shiritin e paketimit.
“Për fat të keq, ajo nuk është lloji i maces që bën zhurmë”, tha Clark për Los Angeles Times.
Brandy Hunter, një punonjës në magazinë Amazon në Riverside, tha në një seri postimesh në Facebook se një koleg e gjeti Galenën brenda kutisë.
Edhe
Një grua pretendon se është 8-vjeçarja që u zhduk më 1985 në Pensilvani
Clark dhe burri i saj shkuan në Kaliforni të nesërmen për t'u ribashkuar me macen e tyre.
“Kur arrita ta mbaja sërish në krahë, ajo pushoi së dridhuri dhe e dinte që unë isha aty për të”, tha Clark. “Ishte një moment kaq i mrekullueshëm”.
