Një diamant rozë, më i madhi i gjetur në 300 vjet, u zbulua në Angolë

Minatorët në Angola kanë zbuluar një diamant rozë që besohet të jetë më i madhi i gjetur në 300 vjet, shkruan CNN.

Operatori australian i depozitës së Angolës ka thënë se diamanti rozë 170 karatësh u emërua si “Trëndafili Lulo”. Diamanti u gjet në minierën Lulo në verilindje të vendit të pasur me diamante dhe është një nga diamantet më të mëdhenj rozë të gjetur ndonjëherë.

Zbulimi historik i diamantit të tipit IIa, një nga format më të rralla dhe më të pastra të gurëve natyrorë, është mirëpritur nga qeveria e Angolës, e cila është gjithashtu partnere në minierë.

Diamanti do të shitet në një ankand ndërkombëtar, me një çmim marramendës.