Punimet në qeramikë zgjasin përgjithmonë dhe janë objekte që pëlqehen nga njerëzit për shkak të hijeshisë, qëndrueshmërisë dhe trashësisë.
Mirëpo të rralla janë pjatat e trasha nga qeramika të cilat nuk lëvizin në rast se njeriu fryn në drejtim të tyre.
Poçari nga Tajvani, Huang Cheng-nan, nisi të krijojë gjësende nga qeramika para 20 vjetësh, duke provuar formula dhe procese të ndryshme të prodhimit.
Ai u bë i njohur për punimet e tij në pjata të gjera, të cilat lëvizin, ose siç u thonë tajvanezët, pjatat që vallëzojnë.
Pasi puna e tij u shfaq në një ekspozitë në Shangai, keramistët nisën ta vizitonin në Tajvan, me shpresën se do të mësonin formulën sekrete.
Edhe
Zejtari i panjohur meksikan merr çmimin që promovon artizanatet
“Nëse mund ta bëni rreth një milimetër të hollë, pjata do të fillojë të bëhet më e lehtë. Nëse trashësia arrin në shtatë milimetra, atëherë nuk mund të deformohet. Nëse mund të bëni një pjatë të hollë sa e imja, atëherë është e rëndësishme formula. Duhet t’ia merrni dorën formulës. Ajo që e bëj unë është e kufizuar dhe nuk mund ta bëjë çdokush”.
Huang ka refuzuar të tregojë fshehtësinë e procesit të pjatave. Disa meraklinj të qeramikës besojnë se mjeshtri ka shtuar plastikë, teori që e mohon aty për aty.
“Nuk është e vërtetë që kam shtuar plastikë. Formula ime është e afërt me nanoteknologjinë, ndryshe nuk mund të realizohet. U kam thënë të gjithëve, madje as specialistët e qeramikës nuk besojnë se mund të jetë kaq e hollë. Pra, paramendojeni se sa e vështirë është”.
Huang ka refuzuar pranimin e rekordit Guinness për hollësinë e qeramikës. Certifikimi thotë se është një proces që do ta detyronte të tregonte formulën dhe krejt hapat që duhet bërë për formimin e kësaj pjate. Një pjatë qeramike me diametër prej 45 centimetrave është shitur për 892 dollarë.
Edhe
Gjendet një vazo e dinastisë Qianlong që mund të vlejë deri në 175 mijë euro
Huang i dërgon me kujdes të madh pjatat te blerësit në Tajvan dhe Kinë.
Ai shpesh ka fluturuar për në Kinë me qëllim që t’ua dorëzojë në dorë blerësve pjatat e veçanta.
