Studiues amerikanë dhe britanikë zbuluan rastësisht një enzimë në gjendje të shkatërrojë plastikën, çka mund të kontribuojë në zgjidhjen e problemit botëror lidhur me këtë lloj ndotjeje, sipas një studimi të publikuar sot.
Më shumë se tetë milionë tonë plastikë derdhen në oqeanet e planetit çdo vit, duke rritur shqetësimet mbi helmimin që shkakton ky nënprodukt i naftës dhe mbi impaktin që ka në lidhje me shëndetin e gjeneratave të ardhshme si dhe të mjedisit.
Pavarësisht përpjekjeve për riciklim, shumica e këtyre plastikave mund të rezistojë për qindra vite, transmeton ATSH raportimin e AFP-së.
Për këtë arsye shkencëtarët po përpiqen të gjejnë një mënyrë për t’i eleminuar më mirë.
Shkencëtarët e universitetit britanik të Portsmuthit dhe të laboratorit kombëtar të energjive të rinovueshme të Ministrisë amerikane të Energjisë kanë përqendruar përpjekjet e tyre mbi një bakterie të zbuluar në Japoni para disa vitesh, që quhet “Ideonella sakaiensis”.
Ajo ushqehet vetëm me një lloji plastiku, polietileni tereftalat (PET) që është pjesë përbërëse e shumë shisheve plastike.
Edhe
Për të frenuar mikroplastikën, kërkohen zgjidhje më të qëndrueshme
Studiuesit japonezë mendojnë se kjo baktere është evoluar kohët e fundit në një qendër riciklimi, sepse plastika është shpikur vetëm në vitet 1940.
Objektivi i ekipit amerikano-britanik ishte që të kuptonte funksionimin e një prej enzimave të saj që quhet “PETase”, duke zbuluar strukturën e saj.
“Por, ata shkuan pak më larg duke krijuar aksidentalisht një enzimë që është edhe më efikase për të shpërbërë plastikën PET”, sipas përfundimeve të publikuara sot nga Akademia Amerikane e Shkencave (PNAS).
-
Ata që pinë ujë nga shishet plastike gëlltisin rreth 90 mijë grimca mikroplastike më shumë në vit
-
Mikroplastikat gjenden kudo dhe po bëhen problem për industrinë e naftës
-
Ndikimi në shëndet i mjeteve plastike që përdoren në kuzhinë, a duhet të hiqen
-
Shkencëtarët alarmojnë: Mos konsumoni ujë nga shishet e plastikës