Italiani ikën me tiketën fituese prej 500,000 euro të lojës “gërvisht dhe fito” të klientës

Policia italiane është vënë në kërkim të një pronari të dyqanit të duhanit në Napoli, i cili dyshohet se iku me një skuter bashkë me kartën e lojës "gërvisht dhe fito", e cila mbante çmimin kryesor prej 500,000 euro dhe të cilën e bleu një kliente, kanë raportuar mediat italiane.

Një grua në të 60-tat e saj kishte blerë dy karta lojërash shumë të njohura në një dyqan të një lagjeje të një qyteti në portin jugor. 

Në kartën e parë nuk kishte çmim. Por kur ajo gërvishti të dytën, ajo e pa me habinë e saj se ishte çmimi kryesor.

Klientja ia dorëzoi atë një punonjësi të dyqanit për ta kontrolluar dy herë. Punonjësi në atë moment ia kishte kaluar kartën njërit prej pronarëve të dyqanit për një kontroll përfundimtar. Në vend të kësaj, pronari e mori atë, kapi helmetën e tij, hipi në skuter dhe u largua.

Për ta parandaluar hajdutin e dyshuar që t’i marrë paratë e kartës fituese, autoritetet në zyrën italiane të taksave e cila drejton lojën "gërvisht dhe fito" ngrinë të gjithë bllokun e numrit të kartave që ishin shpërndarë në dyqanin e duhanit.

Ndërkohë, fituesja e çmimit të madh nuk është identifikuar.