Dy shoqe në Michigan fituan lotarinë për një ditë

Dy shoqe nga Michigani kanë fituar shuma të mëdha parash në një lotari.

Njëra nga to fitoi 100,000 dollarë, ndërkaq tjetra 50,000.

Naomi Cawley, 59-vjeçare nga Saginaw, u tha zyrtarëve të Lotarisë së Michiganit se ajo dhe një shoqe e saj kanë luajtur lotarinë së bashku për disa kohë.

“Unë dhe një shoqe kemi thënë gjithmonë se nëse do të fitonim lotarinë ndonjëherë, do t'i ndanim paratë”, tha Cawley. “Në vend që të blinim një biletë për ne të dyja, ne filluam të blinim biletat tona të veçanta me të njëjtat numra. Unë u trondita plotësisht kur mora një telefonatë nga shoqja ime vonë një natë duke më thënë se kishim fituar. Ajo më tha se kisha fituar 100,000 dollarë dhe ajo kishte fituar 50,000 dollarë sepse kishte harruar të shtonte ‘Power Play’ në biletën e saj. Është kaq emocionuese dhe argëtuese të përjetosh së bashku”, tha ajo.

Cawley tha se ajo planifikon të përdorë këto para për të bërë një pushim me familjen e saj dhe për të kursyer pjesën e mbetur.