Gruaja e godet të moshuarin për mosvënie të maskës, as vet nuk e kishte vendosur si duhet

Një grua pasagjere e cila po udhëtonte për festat e Krishtlindjeve është parë duke e sulmuar një burrë të moshuar në aeroplan, pasi i njëjti nuk e kishte vendosur maskën.

Përveç goditjeve, gruaja e cila as vetë nuk e kishte vendosur maskën si duhej, po e qortonte të moshuarin e madje edhe e pështyu atë.

Videoja e cila është bërë virale me më shumë se 4.2 milionë shikime që kur u postua në Twitter nga llogaria e ‘ATL Uncensored’, të premten mbrëma, tregon më së miri situatën e krijuar brenda avionit midis së resë dhe burrit të moshuar, që e quante atë ‘Karen’.

“Vëre atë maskë”, thotë gruaja, e cila e maskën e saj e kishte ulur nën mjekër.

Burri i cili disa herë u arsyetua me faktin se e kishte hequr maskën pasi po hante, tha se “sapo të arrijmë në Atlanta, do të shkoni në burg. Ky është sulm”, raporton ‘Daily Mail’.

Pas shuplakës së dhënë nga ana e gruas së re, stafi i fluturimit u përfshi dhe provuan ta qetësonin situatën.

Edhe Botë 2 nën 2024 Pasagjeri grushton një tjetër që po flinte në aeroplan

Delta Air Lines kishte njoftuar pas incidentit se autoritetet e rendit dhe ligjit ishin ftuar të merren me këtë incident.