Domatja po hiqet nga menytë e gjigandëve të ushqimeve të shpejta
Domatet janë jashtë menysë në Indi, ndërsa Burger King bëhet zinxhiri më i fundit i ushqimit të shpejtë që ndikohet nga rritja e çmimeve të produktit bazik në kuzhinë.
Muajin e kaluar, McDonald's (MCD) njoftoi se shumë nga restorantet e tij në të gjithë vendin do të hiqnin përkohësisht domatet nga hamburgerët e tyre, duke përmendur çështjet e cilësisë dhe mungesën e furnizimit, ka raportuar CNN.
Në një seksion pyetjesh të shpeshta në faqen e tyre të internetit, Burger King i siguroi klientët se domatet do të kthehen së shpejti, duke thënë se mungesa e tyre aktuale ishte "për shkak të kushteve të paparashikueshme mbi cilësinë dhe furnizimin e kulturave të domates".
Nuk ishte e qartë nëse heqja e domateve do të aplikohej për të gjithë ose vetëm disa nga dyqanet e tyre.
Vendimi i Burger King vjen pasi banka qendrore e Indisë rriti parashikimin e inflacionit për vitin financiar aktual në 5.4% nga 5.1% më parë, duke përmendur rritjen e çmimeve të disa ushqimeve në vendin më të populluar në botë.
Edhe
Pak pritje që Ligji për çmimet tavan mund të ketë efekt
"Duke shkuar përpara, rritja në çmimet e perimeve, kryesuar nga domatet, do të ushtronte presione të mëdha në rritje në trajektoren afat-shkurtër të inflacionit," shkruhej në deklaratë.
Javën e shkuar edhe brendi tjetër i ushqimit të shpejtë ,“Subway” njoftoi se degët e saj indiane do të ngarkonin 30 rupi (0.40 dollarë) shtesë për një copë djathi në shumicën e sandviçëve, raportoi Reuters.
Sa për domatet, kuzhina indiane është e pamendueshme pa frutat e kudondodhura. Por përbërësi i dashur është gjithnjë e më i paarritshëm për shumë veta.
Sipas Boiteau, vetëm disa rajone në jug të Indisë kanë kushte të përshtatshme për rritjen e domateve gjatë muajve të verës, kështu që çdo çështje e lidhur me klimën në këto zona mund të ketë një ndikim në nivel kombëtar në furnizimin me domate të freskëta.
Edhe
Shtrenjtimi i ushqimit lidhet me motin ekstrem
Këtë verë, India është tronditur si nga sasitë e pashembullta të shiut, ashtu edhe nga valët e nxehta që vërshojnë, duke theksuar se si vendi më i populluar në botë është ndër më të pambrojturit ndaj efekteve të krizës klimatike.
Përgatiti: Vita Abrashi -Kajtazi
