Fytyra e Bridgersit 6-vjeçar ka shenja nga kafshimi i qenit, por prapë ai shikon guximshëm para aparatit fotografik dhe vendos dorën te motra e vet.
Këtë foto e ka postuar tezja e Bridgersit, Nicole Walker nga Wyoming i SHBA-së në rrjetet sociale, ndërsa ka treguar për ngjarjen që kishte ndodhur më 9 korrik.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMotra e vogël e Bridgersit ishte ndjekur nga një qen që po tentonte të kafshonte atë. Gjashtëvjeçari ishte futur në mes dhe qeni e kishte kafshuar disa herë në fytyrë e kokë.
“Ai e mori motrën për dore dhe vrapoi në siguri”, ka treguar tezja e Bridgersit.
U deshën 90 qepje për të qepur plagën në fytyrë.
“Ai tha se nëse dikush duhet të vdiste në atë moment, atëherë ai e jo motra e tij”, ka thënë tezja.
Për pronarin e qenit që sulmoi nuk ka dhënë detaje, ndonëse familja e Bridgersit ka treguar se ata janë njerëz të jashtëzakonshëm.