Rusët janë duke iu kthyer brendeve vendore, pas largimit të brendeve të famshme perëndimore si Coca-Cola, McDonald’s, Starbucks e Ikea.
Rusëve të etur po iu ofrohen zëvendësuesit e pijeve të gazuara në emra të ngjashëm si CoolCola, Fancy e Street për Coca-Colan, Fantën e Spriten.
Në uebfaqen e kompanisë “Ochakovo” shmangen emrat e produkteve perëndimore madje edhe në të gjithë përbërësit.
Është një politikë e re nga Kremlini për t’i bindur konsumatorët të shmangin produktet e huaja qëkur Perëndimi vendosi të bojkotojë Rusinë për shkak të nisjes së pushtimit të Ukrainës.
“Ochakovo” është kompani e njohur ruse për pijen tradicionale ruse Kvass që ka pak alkool.
