Dita Botërore e Mushkonjave shënon datën kur u zbulua lidhja në mes të mushkonjave dhe sëmundjes së malaries.
Më 20 gusht të vitit 1897, u identifikua lidhja në mes të malaries dhe mushkonjave nga mjeku britanik Sir Ronald Ross.
Ai po ashtu zbuloi se mushkonja femër Anapheles ishte transmetuesja e sëmundjes. Në vitin 1902, Ross mori çmimin Nobel për fiziologji dhe mjekësi.
Rreth 1 mijë e 500 raste të malaries shënohen çdo vit në SHBA. Shumica e këtyre rasteve janë udhëtarë apo emigrantë që hyjnë në vend nga pjesë të botës ku malaria është e zakonshme, përcjell KosovaPress.
Qëllimi i kësaj dite është të shtohet vetëdija rreth shkaktarëve të malaries, si dhe të mësohen mënyrat për ta ndaluar atë. Duke ditur që mushkonjat bartin me vete edhe virusin e rrezikshëm Zika, kjo ditë bëhet edhe më e rëndësishme, të kuptohet rëndësia dhe nevoja e shmangies së kontaktit me mushkonjat.
-
Mushkonjat tërhiqen edhe nga dioksidi i karbonit që e nxjerrim gjatë frymëmarrjes
-
Pesë gjërat që duhet të bëni për t’i shmangur pickimet nga mushkonjat
-
Pesë këshilla për t'i mbajtur larg mushkonjat
-
Zyrtarët amerikanë identifikojnë shkaktarin e mundshëm të helmimit nga ushqimi
-
Mbi 700 raste me parazitin Cyclospora në SHBA