Në samitin e NATO-s, që po mbahet në Madrid, ka pasur edhe momente komike. Kryeministri britanik Boris Johnson iu drejtua me fjalët në gjuhën turke “çok güzel” presidentit Recep Tayyip Erdogan, i cili ia ktheu përshëndetjen me të njëjtat fjalë.
“Çok güzel” në gjuhën shqipe do të thotë “shumë mirë”.
Presidenti i Shteteve të Bashkuara të Amerikës, Joe Biden, i shijoi momentet mes Johnsonit e Erdoganit me një të qeshur.
Johnsoni, Bideni dhe Erdogani pozuan krah për krah gjatë fotosesionit familjar të liderëve të NATO-s.
Në orën 18:45 pritet takimi mes Bidenit dhe Erdoganit.
WHAT’S GOING ON HERE? pic.twitter.com/QHNUdVllpD
— Ragıp Soylu (@ragipsoylu) June 29, 2022
Në samitin e Madridit, Turqia heqi bllokadën për anëtarësimin e Finlandës dhe Suedisë në NATO.
