Mbetjet e një burri australian, i cili u zhduk duke peshkuar me miqtë, janë gjetur brenda një krokodili, shkruan BBC.
Kevin Darmody u pa për herë të fundit në Kennedy's Bend të shtunën, një habitat i njohur i krokodilit të ujit të kripur në një pjesë të largët të Queenslandit verior.
Pas një kërkimi dyditor në zonë, policia eutanizoi dy krokodilë të mëdhenj dhe gjeti pjesë të trupit të njeriut.
Eshtrat janë identifikuar, por policia ka thënë ishte një “përfundim tragjik” i kërkimit për 65-vjeçarin.
Darmody ishte një peshkatar me përvojë dhe një anëtar i njohur i komunitetit në Cape York.
Dy krokodilët, të cilët ishin 4.1 m dhe 2.8 m të gjatë, u qëlluan për vdekje të hënën rreth 1.5 km nga vendi ku ai u pa për herë të fundit.
Mbetjet njerëzore u gjetën brenda vetëm njërit prej krokodilëve, por oficerët e kafshëve të egra besojnë se të dy ishin të përfshirë në incident.
Krokodilët janë të zakonshëm në veriun tropikal të Australisë, por sulmet janë të rralla. Vdekja e Darmodyt është vetëm sulmi i 13-të fatal në Queensland që nga fillimi i mbajtjes së të dhënave më 1985.
Që nga ndalimi i gjuetisë në vitin 1974, popullsia e krokodilëve në Queensland është rritur nga një numër prej rreth 5 mijë kafshësh në rreth 30 mijë sot.
