Autoritetet në Kaliforni thanë se dritat misterioze që ngjallën diskutime të shumta në mediat sociale kur u panë në qiell mbi San Diego ishin flakë që përdoreshin për një stërvitje ushtarake.
Dritat portokalli u panë mbi San Diego dhe zonën përreth, duke përfshirë deri në Tijuana, Meksikë, të hënën mbrëma dhe fotot dhe videot e fenomenit ndezën spekulime në mediat sociale për mbeturinat hapësinore, satelitët dhe UFO-t, shkruan Upi.com.
Departamenti i Policisë së San Diegos tha se hetuesit u thanë nga rojet e shpëtimit se dritat e vërejtura nga banorët ishin flakë që përdoreshin në një stërvitje ushtarake.
Përfaqësuesit nga Camp Pendleton dhe Naval Air Station North Island thanë se nuk kishin asnjë informacion mbi dritat.
