Një restorant lundrues, shumë i famshëm në Hong Kong, është fundosur, disa ditë pas u tërhoq nga porti ku funksiononi për gati 50 vjet.
Restoranti Jumbo u përmbys në Detin e Kinës Jugore, derisa po udhëtonte në një vend, të cilin kompania nuk e ka bërë të ditur.
Aberdeen Restaurant Enterprises tha se ishte “shumë i pikëlluar nga incidenti”, por se asnjë anëtar i ekuipazhit nuk u lëndua.
Restoranti u mbyll në mars të vitit 2020 pasi u godit nga pandemia COVID-19.
Më shumë se 3 milionë të vizitorë besohet se kanë ngrënë në këtë restorant gjatë viteve, duke përfshirë edhe Mbretëreshën, Tom Cruisen dhe Richard Bransonin, shkruan BBC-ja.
Restoranti ishte shfaqur në disa filma, duke përfshirë një film të Bondit, por pandemia i dha biznesit një goditje fatale.
Inxhinierët e marinës ishin punësuar për të inspektuar restorantin lundrues përpara udhëtimit dhe “të gjitha miratimet përkatëse” ishin marrë, thanë pronarët.
Restoranti u mbyt të dielën pranë ishujve Paracel pasi “ndeshi kushte të pafavorshme” dhe filloi të merrte ujë, tha Aberdeen Restaurant Enterprises.
“Thellësia e ujit në vendngjarje është mbi 1000 metra, duke e bërë jashtëzakonisht të vështirë kryerjen e punimeve të shpëtimit”, shtoi ai.
© KOHA. Të gjitha të drejtat janë të rezervuara.
