Artisti i figurave në tokë, Dario Gambarin, ka krijuar një tjetër kryevepër në fushën me grurë në Verona.
Gambarin ka krijuar trofeun evropian për të festuar fitoren e madhe të Italisë në “Euro 2020” gjatë së dielës.
Këtë trofe gjigant e ka krijuar me traktor. Krejt trofeu është 200 metra i gjerë.
Artisti ka thënë se vepra e tij shpreh gëzimin dhe krenarinë italiane. Sipas tij, do të shërbejë si simbol i paqes për rimëkëmbjen e Italisë pas pandemisë.
Gambarin, i lindur në Verona, është i njohur për artin e tillë në fushat e mbjella.
