Është rruga “William Walker” ajo që të shpjerë deri tek vendi më i ëmbël i qytetit.
Por, me gjithë emrin zyrtar, qytetarët e këtushëm e njohin vetëm si vendi i loçkës.
Loçka është ëmbëltorja, simbol tashmë i Ferizajt, raporton emisioni “Sot” në Kohavision.
Është Fatmir Kamberi ai i cili i pret të gjithë klientët e tij me buzëqeshje, kështu duke e vazhduar mirësinë që e kishte lënë dikur Kadrush Rexhepi, i cili kishte nisur punën me akullore në këtë qytet që nga viti 1972, e që më pas u vazhdua nga vetë Fatmiri më 1994.
Pos shijes së veçantë që kanë akulloret e “Loçkës”, ajo që i tërheq më së shumti klientët është vetë emri i saj. Siç tregon Fatmiri, ka nga ta që e vizitojnë këtë vend vetëm sa për të përjetuar nostalgjinë e dikurshme në kohën e Kadrush Rexhepit.
Fatmiri thotë se klientët e tij ende e mbajnë mend Kadrushin.
Të tjerët, sipas tij, pyesin se si erdhi emri i “Loçkës” .
Janë vetëm 6 muaj të vitit ku klientët mund të shijojnë akulloren e këtushme. Gjatë verës punohet nga ora 7:00 e deri në mesnatë.
Fatmiri tregon se janë 3 shije akulloresh.
Deklaron se gjithnjë janë në kërkim për kualitet e shije më të mirë.
Janë vetëm 9 metra katror të vendit ku shërbehet akullorja,
Ndonëse hapësirë e vogël, loçka tërheq shumë klientë.
Për shkak të pandemisë “Loçka” ka reduktuar orët e punës e edhe vetë stafin, ku bashkë me Fatmirin aktualisht aty shërbejnë edhe Fuat Nebihu dhe Bekim Rexhepi.
Pos akulloreve, në këtë vend mund të shijoni edhe pije të ndryshme e që të gjitha janë të përgatitura nga “Loçka”.
-
28 maj 2020 12:33
-
Shpërndaje në: