Çifti në Filipine martohet nën hirin vullkanik Foto: Randolf Evan

Çifti në Filipine martohet nën hirin vullkanik

14 January 2020 17:05

Një çift që po martohej në Filipine gjatë fundjavës patën si dëshmitar një mysafir të befasishëm.

Chino dhe Kat Palomar shkëmbyen zotimet në provincën Cavite të shtunën në një re gjigante tymi dhe hiri nga Taali, një nga vullkanet aktive më të vogla në botë, raporton Reuters.

Image

“Disponimi ishte befasisht i qetë pavarësisht tymit të shumtë që dukej qartë në hapësirën e ceremonisë”, ka thënë Randolf Evan, fotograf i dasmës, transmeton Koha.net.

Evan tha se vullkani nisi të shpërndante tym një orët apo dy para se dasma të niste, dhe tha se hiri nisi të binte në ndejë kah fundi i ceremonisë.

Më shumë se 24,000 persona janë zhvendosur nga shtëpitë e tyre nga ishulli vullkanik ku gjendet Taali afër Manilas.

Image

Përdorues të rrjeteve sociale janë shprehur të mahnitur me fotografitë e nuses e dhëndrit të cilët në prapavijë kishin re tymi e hiri të shoqëruara me rrufe.

“Ju lumtë planifikuesve të dasmës”, shkroi njëri një koment.

Pavarësisht alarmit për rrezik, Evan tha se çifti martesor nuk u dukën të shqetësuar shumë.

“Ata në të vërtetë ishin të relaksuar gjatë gjithë ceremonisë”, tha Evan.

© KOHA. Të gjitha të drejtat janë të rezervuara.

Komentet

Shto koment

Të ngjashme