Kim Jong Un hap në Korenë Veriore qytetin super modern

Kim Jong Un hap në Korenë Veriore qytetin super modern

03 December 2019 11:51

Lideri i Koresë Veriore Kim Jong Un ka bërë hapjen e qytetit të ri Samxhijon në kufi të Koresë Veriore.

Qyteti është vendosur në afërsi të malit Paektu, i cili sipas legjendës konsiderohet si djep i kombit korean. Pheniani ka investuar shuma të mëdha për projektin e rindërtimit të qytetit që ende nuk ka përfunduar.

Samxhijon është kryeqyteti i një qarku në kufi me Kinën dhe sipas propagandës së Koresë Veriore vendlindja e Kim Jong Il-it, babait të Kim Jong Un-it.

Përveç muzeut të dedikuar për aktivitete revolucionare dhe stadiumit për ushtrimin e sporteve dimërore, në këtë projekt janë përfshirë edhe linja e re hekurudhore, 10.000 njësi banimi dhe fabrika për përpunimin e boronicave dhe patateve, të cilat janë burime më të rëndësishme në këtë pjesë të Koresë Veriore.

Komentet

Shto koment

Të ngjashme