“I forti” i tramvajit në Frankfurt Foto: Reuters

“I forti” i tramvajit në Frankfurt

05 August 2019 16:24

Me shenjën rri lirshëm, një buzëqeshje të madhe dhe me syza aviator: udhëtarët nuk mund ta shmangin shoferin e tramvajit Peter Wirth.

I njohur me nofkën “bosi i tramvajit” ai është një institucion në vete për banorët e Frankfurtit në Gjermani.

Wirth cilësohet si shoferi më i mirë i tramvajeve e që për 36 vjet ka ushtruar në palestër, transmeton KTV.

Por ai muskujt e tij nuk i ka veç për reklamë: i vë në punë duke ndihmuar njerëzit me bagazh dhe çanta të ndryshme.

E shpesh del jashtë dhe bisedon me pasagjerët e të gjitha moshave.

“Nëse mund të jesh model këtu, mund të jesh model për të tjerët në të gjitha situatat”, thotë Wirth që tregon se si mori nofkën “Bahnbabo”.

Image
Foto: Reuters

Fjala “babo” është fjalë rrugësh që përdoret nëpër këngët rep dhe nofka i mbeti pas një fjalosjeje me një të ri gjerman që kishte shtrirë këmbët në karrige.

“Këmbët nëpër karrige është një veprim klasik i të rinjve. E kontrolloj tramvajin për të parë se kush i ka shtrirë këmbët. Ja ku janë aty disa pasagjerë dhe presin që t’u them diçka. I shikoj dhe ata nuk heqin këmbët nga karriget. Pastaj vetëm i kërcas gishtat dhe u them: ‘vëlla, nuk është mirë të shtrish këmbët në karrige’ dhe pastaj i kthehemi normalitetit”, tregon ai.

Famën e tij si “bos i tramvajeve” Wirth e ka ndërmend ta shfrytëzojë edhe më mirë. Ai ia ka mësyrë postit më të lartë, atë të kryetarit të Frankfurtit, pasi pritet të garojë në zgjedhjet lokale të vitit 2024.

© KOHA

Komentet

Shto koment

Të ngjashme