Winfrey e Witherspoon shkëlqejnë në promovimin e filmit “A Wrinkle in Time”

"Nëse dëshiron të të realizohet një plan, atëherë duhet ta realizosh atë vetë", kështu deklaroi aktorja dhe producentja, Reese Witherspoon, të martën më 13 mars, teksa i lavdëroi koleget e saj femra, që po bëjnë ndryshim në industrinë e filmit.

Witherspoon dhe kolegia e saj në film, Oprah Winfrey, parakaluan mbi qilimin e kuq të shtruar me rastin e premierës Evropiane të filmit të tyre të ri, "A Wrinkle in Time", që bazohet në romanin e dashur amerikan për fëmijë, transmeton emisioni Express në KTV.

Me regji të Ava DuVernay, filmi i studios Disney e transformon tregimin e vitit 1962 të autores, Madeleine L'Engle, në një projekt të zhanrit fantashkencë, që njëkohësisht e sjell një mesazh të rëndësishëm të fuqizimit të femrës.

DuVernay e ka angazhuar aktoren Storm Reid në rolin e protagonistes Meg dhe e ka mbushur filmin e aktorë të etniteteve të ndryshme. “A Wrinkle in Time” e rrëfen historinë e Meg-it, vëllait të saj të portretizuar nga Deric McCabe dhe mikut të tyre të sjellë në ekran nga Levi Miller, derisa e nisin një udhëtim në kërkim të babait të saj të zhdukur. Oprah Winfrey, Reese Witherspoon dhe Mindy Kaling e luajnë rolin e tri krijesave super natyrore të cilat e ndihmojnë Meg-un në këtë aventurë që njëkohësisht e ndihmon shpëtimin e universit nga forcat e liga.

Në film po ashtu luajnë Zach Galifianakis, Chris Pine dhe Gugu Mbatha-RaW. "A Wrinkle in Time" do të fillojë së shfaquri nëpër kinematë e Britanisë së Madhe nga 23 marsi.

{gallery}