“Udhëtimi i familjes Muller në Unmikistan” i dramaturgut Jeton Neziraj ka fituar çmimin e parë për dramën origjinale shqipe “Katarina Josipi”, në ceremoninë e organizuar nga Ministria e Kulturës të enjten.
Çmimi i dytë i është dhënë aktorit Astrit Kabashi me dramën “Fridrih Fluturaku: Shifra Ubi Amor lbi Dolor”, ndërsa i treti i ka takuar Rinor Vitisë me dramën “Zelus”.
Çmimet u ndanë nga drejtorit artistik i Teatrit Kombëtar, Kushtrim Mehmeti.
Ministri i Kulturës, Hajrulla Çeku ka thënë se "tri dramat kanë qenë shumë profesionale dhe me përkushtim".
Fituesi i çmimit të parë, Jeton Neziraj është shprehur se nuk mjafton vetëm kjo datë për të folur për dramaturgjinë shqipe.
