Shkrimtarja e romancave Courtney Milan suspendohet pas “ngatërresave raciste”

Romanet romancë përgjithësisht mendohen si të lumtura, ndaj është ironike që gjatë festave ky zhanër ka hyrë në një luftë online.

Gjithçka nisi kur një organizatë e quajtur “Romance Writers of America” (RWA) ka suspenduar anëtaren e dikurshme të bordit, Courtney Milan, një noveliste bestseller. Arsyeja? Milan, e cila është me prejardhje kinezo-amerikane, ka shprehur shqetësime në Twitter mbi një “ngatërresë të dreqit” në industri, duke nxitur kolegët e saj novelistë të nisin ankesa formale në RWA, transmeto Koha Ditore shkrimin e Nypost.

Në vend se të merrej me komentet e saj, organizata e ka ndëshkuar atë për cenimin e kodit të saj etik me “negativitetin” e saj. Suspendimi i Milanit nga RWA ka nxitur një tërbim në mediat sociale. Hashtagu #IStandWithCourney ka shpërthyer gjithandej në përkrahje të Milanit.

“Nëse Romancelandia është duke u ndarë në dysh, unë do të jem në anën e Courtney Milanit”, ka shkruar ajo duke mbledhur mbi 1 mijë pëlqime.

Autori i fantashkencës, John Scalzi, është tallur me qasjen e RWA-së pikërisht para festave. Ndërkaq autorja Alyssa Day ka bërë të ditur dorëheqjen e saj nga organizata. “Kam dhënë dorëheqje nga RWA”, ka “cicëruar” ajo në prag të Kërshëndellave.

“Lejimi i racistëve për ta përdorur Kodin e Etikës së RWA kundër dikujt që bën thirrje kundër racizmit është kundër gjithçkaje që përfaqëson një kod etike, dhe ky rezultat është fort i gabuar. Boll më”. Shumë autorë janë tallë me RWA-në, që ka menduar se ajo mund të lëshojë një lajm të tillë gjatë Kërshëndellave e të mos vihet re nga askush....(Artikullin e plotë mund ta lexoni sot në “Koha Ditore”)