-
Nga:
Elvira Berisha
- 22 janar 2019 13:01
- Shpërndaje në:
Prishtinë, 22 janar – Vetëm tri repriza me gjithsej 202 shikues i ka pasur gjatë një viti shfaqja “Njeriu që mungonte” e Teatrit Kombëtar të Kosovës, realizimi i së cilës ka kushtuar mbi 45 mijë euro.
Shfaqja nën regji të Isa Qosjes, e tekst të Zymber Kelmendit, u dha premierë më 15 shkurt të vitit 2018 – si projekt i bartur nga viti paraprak – dhe gjatë një viti kalendarik, duke llogaritur premierën, nuk është shfaqur hiç më shumë se katër herë. Mungesa e interesimit dhe gjendja shëndetësore e njërit prej aktorëve të kastës përmenden si arsye për mospërsëritjen e saj në repertorin e Teatrit Kombëtar të Kosovës nga menaxhmenti i këtij institucioni. E regjisori i “Njeriu që mungonte”, konsideron që me gjithë mungesën e interesimit, shfaqja ka qenë dashur të reprizohej më shumë, të paktën për shkak të temës që trajton.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Njeriu që mungonte”, ka protagonist Agronin, i cili për disa vite ka qenë i zhdukur i luftës. Një natë ai kthehet në shtëpi. Kjo e shokon familjen e tij. Në mesin e tyre, lind një dilemë: si do t’u tregojnë të tjerëve për kthimin e tij. Kasta e aktorëve të kësaj shfaqjeje përbëhej nga Teuta Krasniqi, Basri Shala, Agron Shala, Doresa Rexha e Gani Rrahmani.
Skenografinë e “Njeriu që mungonte” e ka bërë Shqipe Kamberi, e kostumografinë Samka Ferri. Skulptor i angazhuar në shfaqje ishte Agron Blakçori e muzikën e ka kompozuar Korab Shaqiri.
(Artikullin e plotë mund ta lexoni sot në “Koha Ditore”)