Drejtori i Kulturës në Komunën e Prishtinës, Yll Rugova, përmes një njoftimi në profilin e tij në Facebook, ka thënë se Prishtina brenda këtij viti do të bëhet me Muzeun që do të mbajë emrin e artistit të njohur “Ibrahim Kodra”.
“Është kënaqësi që sot në 100 vjetorin e lindjes së mjeshtrit të artit Ibrahim Kodra, mund të jap njoftimin në emër të Komunës së Prishtinës se brenda vitit do ta kemi të gatshëm Muzeun Ibrahim Kodra në Prishtinë”, ka shkruar Rugova.
“Brenda javëve e nënshkruajmë marrëveshjen për nisjen e punimeve të Muzeut Ibrahim Kodra në Prishtinë. Tashmë jemi dakorduar me planin edhe me Fondacionin Kodra në Lugano, për bartjen e koleksionit të tyre në ekspozim permanent në Prishtinë”, ka thënë ai.
Ibrahim Kodra (1918-2006) është ndër piktorët më të njohur shqiptar të viteve 50, 60 dhe 70. Kubist dhe post-kubist që ka ekspozuar edhe me Picasson në Paris.
(Në foto piktura me titull "Konformistët", vaj në pëlhurë, 50 x 60 cm, 1968).
-
Projekti ideor për muzeun “Ibrahim Kodra” në monument nxit reagime
-
Muzeu “Ibrahim Kodra” në fund të vitit bashkë me Muzeun e Prishtinës
-
Ish-Bibiloteka “Hivzi Sylejmani” shndërrohet në Muzeu “Ibrahim Kodra”
-
Komuna e Prishtinës thotë se ka nismuar park përkujtimor e bibliotekë presidenciale për Rugovën
-
Objekti ku dështoi të hapej muzeu “Ibrahim Kodra” sërish në agjendë