-
Nga:
Shaban Maxharraj
- 30 mars 2019 15:00
- Shpërndaje në:
Anda Kryeziu dhe Nemanja Radivojeviq janë fituesit e çmimit kryesor të edicionit të parë të Garës së Kompozitorëve të Ballkanit në Prishtinë. Të premten mbrëma ata kanë fituar “Rrëqebullin e Argjendtë” në garën që mbahet në kuadër të festivalit ndërkombëtar të muzikës “DAM”.
Në këtë mbrëmje, ku ishin kualifikuar pesë kompozitorë ballkanikë në kuadër të garës, që është hapur qysh vitin e kaluar, Angel Spirovski nga Maqedonia e Veriut ka fituar Çmimin e Filarmonisë së Kosovës e Damjan Joviqin nga Serbia atë të festivalit “DAM”. I riu kosovar Ylli Daklani ka fituar Çmimin e publikut. Të pranishmit kanë votuar pas përfundimit të koncertit që u është kushtuar veprave të kompozitorëve që ishin në garë. Veprat e të gjithë konkurrentëve që janë luajtur nga ansambli “Oerknal” nga Holanda nën dirigjim të Gregory Charette kanë emërues të përbashkët bashkëkohoren, shkruan sot Koha Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“DAM” si festival që zakonisht u krijon hapësirë të rinjve e muzikës eksperimentale, këtë vit për herë të parë ka ndarë çmime. Për rreth një orë e gjysmë të pranishmit kanë mundur të dëgjonin kompozimet e pesë prej kompozitorëve të rinj ballkanikë që kanë arritur deri në finalen e Garës. Të gjithë kompozitorët kanë qenë të pranishëm në koncertin që është mbajtur enkas për Garën, e cila ka për synim që të stimulojë krijuesit e rinj në muzikë.
Vepra e Anda Kryeziut nga Kosova është luajtur e para në këtë mbrëmje. Ajo ka thënë se “Time – Change – Rate” daton qysh prej viti 2017 dhe është një pjesë e një cikli për ansambël.
“Ka qenë pjesa e fundit e këtij cikli, i cili ka disa kohë tjera. E kam zgjedhur këtë pjesë që të konkurroj në këtë garë”, ka thënë ajo. Ka shpjeguar se i gjithë cikli është i bazuar tek tingulli.
“Do të thotë aspekti harmonik, aspekti fizik, ritmik, ai i rezonancës e efektin e tingullit në hapësirë. Vepra është luajtur disa herë, por është premierë në Kosovë”, ka thënë ajo. Sa i përket Garës, ka thënë se atë nuk e ka parë si garë në kuptimin e parë të fjalës, por ka shumë respekt për “Oerknal” e për festivalin “DAM”.(shkrimin e plotë e gjeni sot në “Koha Ditore”)