Monografia e cila nxjerr në pah historinë familjare dhe kontributin e vëllezërve Osmani për çështjen shqiptare është promovuar në gjuhën angleze.
Libri “The Osmani Brothers” (Vëllezërit Osmani), botuar nga Botimet KOHA është një përpjekje e çmuar për të shpalosur me fakte angazhimin dhe kontributin e familjeve mërgimtare shqiptare, në veçanti të familjes Osmani në përkrahje të atdheut në ditët vendimtare të mbijetesës.
Vepra me autor Emin Kabashin ishte botuar fillimisht në shqip nga Instituti Albanologjik i Prishtinës në shkurt të vitit 2020. Libri është përkthyer nga Alexandra Channer.
Të mërkurën në promovimin e mbajtur në Bibliotekën Kombëtare të Kosovës, “Pjetër Bogdani” të pranishmit kanë çmuar kontributin që kanë dhënë për çështjen shqiptare vëllezërit nga Kosova të cilët jetësojnë në Shtetet e Bashkuara të Amerikës.
{gallery}
