Fundjavën e kaluar Muzeu i Artit Moderne në New York ia kushtoi një galeri me koleksion të përhershëm punës së artistëve të lindur në Ukrainë, si një mënyrë për të treguar mbështetje për vendin që u pushtua nga Rusia pak më shumë se një muaj më parë. Ky është edhe qëndrimi më i fortë deri më sot mbi luftën në Ukrainë nga MoMA, një nga muzetë më të rëndësishme në SHBA.
E titulluar “In Solidarity”, galeria përmban vepra të artistëve me famë ndërkombëtare si Sonia Delaunay-Terk, Ilya Kabokov, Kazimir Malevich dhe Louise Nevelson. Krahas tyre janë edhe vepra të figurave më pak të njohura, si Aleksei Kruchenykh dhe Maria Siniakova. Shumë artistë veprat e të cilëve janë në galeri janë hebrenj.
“Ka shumë, shumë mënyra se si dikush mund të ndihmojë materialisht, përmes donacioneve dhe mjeteve të tjera për të kontribuar drejtpërdrejt, por ka një pjesë tjetër prej jush që ka dëshirën të pranojë njerëzit, jetët e të cilëve po ndryshojnë përgjithmonë, edhe nëse nuk është një mënyrë që ndihmon fizikisht ose materialisht”, ka thënë Ann Temkin, kuratorja kryesore e pikturave dhe skulpturave në MoMA, e cila ishte në mesin e ekipit që ndihmoi në mbikëqyrjen e “In Solidarity”.
Një nga veprat në galeri, kompozicioni i dashur i Malevich: “E bardha mbi të bardhë” (1918), ishte parë tashmë në të njëjtën hapësirë kur ishte kuruar më herët. Një tjetër, një abstraksion i hershëm nga Delaunay-Terk, ishte parë gjithashtu aty pranë. Megjithatë, sapo rusët pushtuan Ukrainën, kuratorët vendosën të zhvendosnin vepra të tilla në të njëjtën hapësirë, në një gjest solidariteti, dhe t'i vendosnin ato krahas pjesëve të tjera nga pronat e MoMA-s që nuk ishin parë.
Shumë nga këta artistë kishin lindur në atë që tani është Ukraina, por kishin emigruar në vende të tjera, qoftë me zgjedhje ose për të shmangur persekutimin. Temkin ka treguar se gjatë organizimit të galerisë, kuratorët e MoMA-s morën vendimin që të mos i listonin kombësinë e artistëve, në vend të kësaj të emërtonin vendet ku ata lindën dhe ku vdiqën.
Edhe Komponenti kulturor i sigurisë kombëtare“Kombësia, e cila është aty ku është pasaporta e një personi, nuk jep pamjen e plotë” ka thënë ajo.
MoMA ka organizuar më parë minianketime rreth ngjarjeve të ndryshme aktuale, duke përfshirë një në vitin 2018 të synuar si një protestë kundër urdhrit ekzekutiv të Donald Trump “13769”, ndalimi i udhëtimit që ndikon në shtatë vende me shumicë myslimane. Megjithatë, në pjesën më të madhe prezantimet në mënyrë eksplicite politike si kjo për Ukrainën kanë qenë të pazakonta në MoMA.
