Vendet e trashëgimisë kulturore në Shqipëri çdo vit e më shumë po tërheqin më shumë vizitorë vendës dhe të huaj. Një gjë e tillë dokumentohet nëpërmjet shifrave.
Ministrja e Kulturës e Shqipërisë, Elva Margariti, ka publikuar në rrjete sociale statistikat mbi vizitat në objektet e trashëgimisë kulturore, teksa ka shkruar se “viti 2022 shënoi ringritjen e sektorit kulturor”.
“Këtë e dëshmojnë shifrat e vizitorëve në objektet e trashëgimisë kulturore, ndjeshëm më të larta se vitet e mëparshme”, ka thënë Margariti, raportojnë mediat shqiptare.
Sipas shifrave të publikuara nga Ministria e Kulturës, gjatë vitit 2022 numri i vizitorëve shënoi shifrën prej 689 mijë e 283 vizitorë. Një vit më parë ishin 423 mijë e 565 vizitorë.
Monumentet e Shqipërisë, sipas ministres Margariti, “po bëhen gjithnjë e më ftuese për vizitorët”, ndërkohë që shifrat vërtetojnë se trendi rritës, “të paktën në tre vjetët e fundit, ka qenë me 100 për qind”.
Edhe
Kultura dhe trashëgimia kulturore në Shqipëri realizojnë 3.2 milionë euro në vit
Këtë vit është shënuar një fluks në rritje i vizitorëve vendës dhe të huaj në sitet e trashëgimisë kulturore shqiptare, ndërsa jo pak investime janë bërë në këtë sektor dhe janë në proces një sërë projekte restaurimesh.
