-
Nga:
Shaban Maxharraj
- 15 maj 2019 14:08
- Shpërndaje në:
Prishtinë, 15 maj – Shtandi i Kosovës për të tetin vit me radhë është vendosur në hapësirat e Festivalit Ndërkombëtar të Filmit në Cannes të Francës. Të martën, kur edhe është hapur zyrtarisht njëri prej festivaleve më të rëndësishme në botë sa i përket kinematografisë, Kosova ka çelur dyert e shtandit të vet me numër 131. Në hapësirën e përbashkët me Shqipërinë, lokacioni i shtetit më të ri të Evropës kufizohet me Çekinë e Greqinë, përderisa përballë ka një shtand gjigant të Shteteve të Bashkuara të Amerikës.
Pasi është hapur shtandi, drejtori i Qendrës Kinematografike të Kosovës, Arben Zharku i ka thënë gazetës se fatmirësisht QKK-ja ka një numër të madh të projekteve që janë nëpër faza të ndryshme. Sipas tij, sa u përket filmave të papërfunduar do të shikohet mundësia që të komunikohet me të gjitha festivalet kryesore në botë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSa i përket fazës së postproduksionit Kosova do të prezantojë projektet kinematografike si “Vera andrron detin” me regji të Kaltrina Krasniqit dhe skenar të Doruntina Bashës, “Lëkura e krokodilit” me regji dhe skenar të Ilirjan Himajt, “Heshtja e sirenave”, me regji dhe skenar të Gazmend Nelës”. E sa u përket filmave që janë në fazën e produksionit, QKK-ja synon që të gjejë bashkëpunime a fonde shtesë. Midis të tjerëve do të prezantohet me projektin “Dëbora”, me regji të Luigj Bejtës dhe skenar të Arlinda Morinës, “Dritat e qytetit”, me regji të Valmira Hysenit dhe Mirsad Lushtakut e skenar të Parta Kelmendit, “Familja”, me regji dhe skenar të Durim Kryeziut, “Hana”, me regji të Ujkan Hysaj e skenar të Fadil Hysaj e “Skype”, me regji dhe skenar të Isa Qosjes.
Në ditën e 24 të këtij muaji, Afrim Muçaj e Arben Bajraktarjaj do të jenë në Festival. I pari do të shkojë nga Prishtina e i dyti nga Parisi. Janë aktorë të filmit “The Van”, nën regji të Erenik Beqirit. Bashkëprodhimi i Shqipërisë e Francës do të garojë midis 12 filmave në kategorinë e filmave të shkurtër, “Short competition”.
(Gjerësisht, sot në "Kohën Ditore")