Filmi “Tori and Lokita”, ku luan aktori i njohur shqiptar, Alban Ukaj, është në konkurrencë zyrtare në edicionin e sivjetmë të Festivalit të Filmit në Cannes. Filmi i dyshes së njohur, Jean-Pierre and Luc Dardenne, është në mesin e 18 filmave për “Palmën e Artë” në festivalin prestigjioz, i cili sivjet shënon edicionin e 75-të dhe mbahet prej 17 deri më 28 maj.
“Tori and Lokita” përshkruhet si një rrëfim në stilin e vëllezërve Dardenne, një dramë sociale për dy fëmijë afrikanë, të cilët kërkojnë letrat në Belgjikë.
Pikërisht me filmin “Heshtja e Lornës”, po ashtu, të dyshes belge Dardenne, Alban Ukaj mbërriti në Cannes në vitin 2008. Rolin kryesor në film, atë të Lornës, e kishte aktorja shqiptare, Arta Dobroshi. Filmi qe i nominuar për “Palmën e Artë” dhe mori Çmimin për skenarin më të mirë.
-
Dardennet me “Tori and Lokita” marrin Çmimin Special të edicionit jubilar
-
Alban Ukaj dhe ekipi i filmit “Tori and Lokita” e shënuan premierën në Cannes
-
Alban Ukaj në Cannes
-
Alban Ukaj rikthehet në Festivalin e Kanës me filmin “Tori and Lokita”
-
Alban Ukaj rikthehet në Cannes: Kjo është ëndërr e shumicës së aktorëve