Katër momente historike të Kosovës solli fotografja Eliza Hoxha përmes 19 fotografive të shfaqura në ekspozitën e radhës.
Hoxha ka bërë bashkë katër periudha të rrugëtimit të Kosovë drejt pavarësisë dhe atë se çfarë e gëzojmë sot.
Ekspozita, e cila është e hapur në Galerinë e Ministrisë së Kulturës, flet për një rrugëtim në vitet e 90-ta, atëherë kur duhej guxim edhe për të ëndërruar për lirinë.
Në ekspozitë, për të pranishmit u dha edhe një katalog, ku shkruhej se vitet e 90-ta janë përjashtim, protestë, dhunë, vdekje, dhimbje, mungesë, pamundësi, mjegull, përpjekje, paralelizëm, mobilizim, solidarizim, ëndërr, dëshirë, vullnet, mision, qëllim.
Për Express, artistja flet për titullin dhe kuptimin e tij, “Midis ëndrrës dhe realitetit.”
Në ekspozitë pati foto të shtypura në pëlhurë dhe të tjera transparente të varura “si reflektim i emocioneve dhe momenteve pezull”, ku ajo që bëri më së shumti përshtypje ishte fotografia e fundit që është e realizuar së voni, e cila ka për mesazh izolimin.
Edhe
“Midis ëndrrës dhe realitetit” si reflektim mbi të kaluarën dhe të ardhmen e Kosovës
Kujtojmë se artistja do ta përfaqësojë Pavijonin e Kosovës në Bienalen e Venedikut për arkitekturë.
“Midis ëndrrës dhe realitetit “ u hap si pjesë e festimeve për 10-vjetorin e Pavarësisë, organizuar nën patronatin e Presidentit të Kosovës, Hashim Thaçi. Ekspozita do të qëndrojë e hapur përgjatë ditëve festive në Galerinë e Ministrisë.
