“Çfarë të them, ndoshta kam shumë për të thënë, ndoshta hiç”, kështu e nisi fjalimin e tij në konferencën për media për shfaqjen “Arturo Ui”, regjisori i njohur Bekim Lumi.
Përkundur gjendjes së rëndë shëndetësore, regjisori Lumi ka arritur të çojë deri në fund projektin e tij më të ri, që premierën do ta ketë të enjten në Teatrin Kombëtar të Kosovës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoLumi shtoi se kjo shfaqje ka qenë një proces shumë i lodhshëm, por që bashkë me aktorët kanë dhënë gjithçka për ta realizuar atë. Ai tregoi se “Arturo Ui” ka qenë ëndërr e kamotshme për ta inskenuar, por që tek tash në 20 vjetorin e karrierës së tij, vjen me këtë realizim të madh, meqë “Arturo Ui” është një prej veprave, siç e quajti ai, më të rënda.
Për shkak të temës që e trajton dhe për shkak të aktualitetit të saj të vazhdueshëm, kjo dramë ndërlidhet me shumë nga trendet dhe zhvillimet nëpër botë. Si e tillë, ajo vlerësohet si një nga satirat më të mira politike dhe historike të shekullit ‘20.
Roli kryesor në këtë shfaqje i është besuar aktorit Bujar Ahmeti, i cili tha se është i privilegjuar që në CV-në e tij do ta ketë një rol të këtillë.
Ndërsa, drejtori artistik i Teatrit Kombëtar të Kosovës, Agon Myftari, tha se i vjen mirë që kjo premierë po ndodh pikërisht tani.
Premiera do të jepet të enjten nga ora 21:00. Ndërsa, për momentin nuk do të ketë repriza për shkak të Kampionatit Botëror të Futbollit.