-
Përktheu:
Enis Bytyqi
- 4 shtator 2024 13:00
- Shpërndaje në:
“RMS Titanic Inc.”, një kompani me bazë në Georgia që zotëron ligjërisht të drejtat për rrënojat 112-vjeçare, përfundoi ekspeditën e saj të parë që nga viti 2010 dhe zbuloi imazhe të reja nga vendi
(Euronews) – Një statujë bronzi nga “Titaniku”, që prej kohësh mendohej se ishte humbur përgjithmonë, është rizbuluar gjatë një ekspedite të fundit nga kompania që mban të drejtat e intervenimit në vendin e fundosjes së anijes.
Ekspedita në veri të Oqeanit Atlantik, ku u mbyt “Titaniku”, përkoi me hetimin e Rojës Bregdetare të SHBA-së për shpërthimin e “Titanit” – një kompani zhytjeje tjetër – në qershor të 2023-tës.
Fatkeqësia pas fundosjes së “Titanit” ka të vdekur pesë pjesëtarët në bord, duke përfshirë Paul-Henri Nargeolet, i cili ishte drejtor i kërkimit nënujor për “RMS Titanic”.
“RMS Titanic Inc.” i përshkroi gjetjet nga udhëtimi i kësaj vere si një “përzierje e hidhur e ruajtjes dhe humbjes”.
Por një moment i rëndësishëm ishte rizbulimi i statujës “Diana e Versajës”, e cila nuk është parë që nga viti 1986. Kompania tani ka nxjerrë një imazh të qartë dhe të përditësuar të statujës.
Megjithatë, një pjesë e rëndësishme e kangjellave që rrethon kuvertën e kështjellës së harkut të anijes ka rënë, ka njoftuar “RMS Titanic". Kangjella qëndronte ende e ngjitur në vitin 2022, ka thënë kompania.
“Zbulimi i statujës së Dianës ishte një moment emocionues. Por ne jemi të pikëlluar nga humbja e parmakut ikonik Bow dhe provave të tjera të prishjes, të cilat vetëm sa e kanë forcuar angazhimin tonë për të ruajtur trashëgiminë e ‘Titanikut’”, ka thënë Tomasina Ray, drejtore e koleksioneve për “RMS Titanic”.
Ekipi kaloi 20 ditë në vendndodhje dhe u kthye në Providence, Rhode Island më 9 gusht. Ata kapën më shumë se dy milionë imazhe me rezolucion më të lartë të realizuara ndonjëherë nga fundosja e anijes. Ekipi gjithashtu hartëzoi plotësisht rrënojat dhe fushën e mëtejme të mbetjeve duke përdorur pajisje të avancuara që do të përdoren për të përmirësuar kuptimin e atij territori.
Ndërkohë, hetimi i Rojës Bregdetare për tragjedinë e zhytëses së “Titanit” do të jetë në qendër të një seance publike më vonë në shtator. Familja e Nargeolet ka ngritur një padi kundër “OceanGate”, operatorit të Titan sub, i cili që atëherë ka pezulluar operacionet
