Kulturë

Maestroja Vladar i skenave botërore sfidon kushtet në Prishtinë

“Isha shumë entuziast të performoj në Kosovë”, ka thënë pianisti Stefan Vladar e me entuziazëm e ka pritur publiku koncertin e tij, në mbrëmjen e tetë të “Chopin Piano Festit”

Mungesa e një salle koncertale në Kosovë u shpërfaq edhe një herë në koncertin e tetë të “Chopin Piano Fest”. Por, skena jo e denjë për artistë të rangut botëror, nuk ka paraqitur problem derisa asaj iu shtua edhe prishja e kondicionerëve në sallën e Amfiteatrit të Bibliotekës Universitare. Me gjithë kushtet për të mbajtur koncert, pianisti austriak, Stefan Vladar, doli dhe u ngjit në skenë bashkë me duartrokitjet e publikut që e kanë shoqëruar derisa ka zënë vend para pianos.

 

Është emër i shquar skenash elitare, e në Prishtinë ka lënë në plan të dytë kushtet e sallës. Stefan Vladar ka ndarë me publikun në Prishtinë mjeshtërinë e virtuozitetin e tij. I jashtëzakonshëm, ka qenë vetëm njëri prej cilësimeve për interpretimin e tij, përderisa publiku e ka rikthyer disa herë në skenë. Me personalitete si Vladari, kryeqyteti bëhet qendër artistësh botërorë, por mbetet larg kushteve që ua ofron për interpretim

Mungesa e një salle koncertale në Kosovë u shpërfaq edhe një herë në koncertin e tetë të “Chopin Piano Fest”. Por, skena jo e denjë për artistë të rangut botëror, nuk ka paraqitur problem derisa asaj iu shtua edhe prishja e kondicionerëve në sallën e Amfiteatrit të Bibliotekës Universitare. Me gjithë kushtet për të mbajtur koncert, pianisti austriak, Stefan Vladar, doli dhe u ngjit në skenë bashkë me duartrokitjet e publikut që e kanë shoqëruar derisa ka zënë vend para pianos.

Koncertin e hapi me veprat e bashkëkombësit të tij, kompozitorit austriak, Joseph Haydn. Mjeshtërinë në piano e shpërfaq sapo fillon t’i nxjerrë tingujt nga instrumenti në të cilin filloi të luajë që nga mosha gjashtëvjeçare. Me epitetin si mjeshtër i interpretimit në piano, 57-vjeçari është paraqitur në gjithë botën, ndërsa para publikut në Kosovë është kthyer për të dytën herë me “Chopin Piano Fest”.