Fshehja e borgjezisë - gjuhë e përbashkët e muzeve në Suedi dhe Serbi

Fshehja e borgjezisë - gjuhë e përbashkët e muzeve në Suedi dhe Serbi

19 July 2017 09:25

Themeluesi i grupit multinacional, që dizajnon e shet orendi, i lindur më 1943 në Suedi, mund të ketë qenë i afërt me nazistët.

Por ky informacion për asokohe 17-vjeçarin Ingvar Kamprad është fshirë nga biografia e tij, njësoj siç është fshirë diskursi i borgjezisë në muzetë e Suedisë dhe ato të Serbisë, shkruan sot “Koha Ditore”.

Ky ka qenë përfundimi i prezantimit të punonjësit të kulturës e aktivistit Nebojsha Milikiq në kuadër të “Shkollës verore si shkollë” në Prishtinë. Milikiq, të hënën mbrëma, prezantimin e tij e ka mbështetur në një artikull të publikuar në “B92”, me titull “Pse IKEA nuk u themelua në Babushnicë, por në Suedi”? (Sipas muzeve në Beograd dhe Stokholm).

Autori i artikullit i përgjigjet titullit duke lënë të kuptohet që arsyeja pse IKEA ka lindur në shtetin skandinav dhe jo në një rajon të pazhvilluar të Serbisë Jugore, është se “një mendje pa dyshim brilante” nuk mund të ekzistojë në Babushnicë, por në Suedi.

Mysafirja e dytë në mbrëmjen e së hënës, në ngjarjen e organizuar nga qendra për art bashkëkohor “Stacion”, ka qenë Keti Chukhrov, e cila ka prezantuar ligjëratën me titull “Performativiteti dhe etikat e saj institucionale”.

Sipas saj, performativiteti në të tashmen kuptohet si çdo lloj procesi, sjelljeje apo aktivizimi në hapësirën e përgjithshme shoqërore... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme